shaban ul muazzam[شعبان المعظم (سرورِکائناتﷺ کا مہینہ)]

شعبان المعظم
سرورِکائناتﷺ کا مہینہ

ماہ شعبان المعظم کی اس سے بڑی فضیلت اور کیا ہوگی کہ میرے پیارے آقا محمدمصطفٰیﷺنے اسے اپنا مہینہ کہا ھے۔

ماہ شعبان المعظم کا چاند نظر آتے ہی صحابہ کرام علیھم رضوان اپنے مال کی زکوٰۃ نکالتے تاکہ غریب و مسکین مسلمان ماہ رمضان کے لئے روزوں کی تیاری کر سکے۔(موجودہ دور میں صاحبِ حیثیت مسلمان بھائیوں کو چاہے کے سنتِ صحابہ کرام علیھم رضوان اپنا کر اپنی زکوٰۃ ماہ شعبان المعظم میں نکال لیں تاکہ ضرورتمند مسلمان ماہ سیام کی تیاری پہلے سے کر لے)۔

اس ماہ کثرت سے روزے رکھنا آقا کریمﷺ کی سنت مبارک ہے۔اس ماہ کی ۱۵ شب(شبِ براءت)نامہ اعمال تبدیل کئیے جاتے ہیں۔

حضور غوث اعظم رضی اللّٰہ عنہ لفظ شعبان کے ۵ حرف (ش،ع،ب،ا،ن) کے متعلق فرماتے ہیں۔

ش سے مراد شرف یعنی بزرگی
ع سے مراد عُلُو یعنی بلندی
ب سے مراد بِر یعنی احسان
ا سے مراد الفت
ن سے مراد نور ہے

یہ تمام چیزیں اللّٰہ تعالٰی اپنے بندوں کو اس مہینہ میں عطا فرماتا ہے۔ماہ شعبان میں نیکیوں کے دروازے کھول دئیے جاتے ہیں،خطائیں مٹا دی جاتی ہیں اور گناہوں کا کفارہ ادا کیا جاتاہے،اور یہ نبی پاکﷺپر کثرت سے درودپاک پڑھنے کا مہینہ ہے۔

حضرت عائشہ رضی اللّٰہ تعالٰی عنھا فرماتی ہیں کہ رسول اللّٰہﷺ شعبان سے ذیادہ کسی مہینے میں روزے نہ رکھا کرتے بلکہ پورے شعبان کے روزے رکھ لیا کرتے تھےاور فرمایا کرتے:اپنی استطاعت کے مطابق عمل کروکہ اللّٰہ عزوجل اس وقت تک اپنا فضل نہیں روکتا جب تک تم اُکتا نہ جاوُ۔(صحیع بخاری جلد۱ حدیث ۱۹۷۰)۔



اللّٰہ عزوجل ہمیں ماہِ شعبان المعظم میں کثرت سے نفلی روزے رکھنے اور خوب نیکیاں کرنے کی توفیق عطا فرماے ۔

copywrites © 2019,