یا الہٰی بھول جاؤں نزع کی تکلیف کو
شادی دیدار حسن مصطفی کا ساتھ ہو
شادی دیدار حسن مصطفی کا ساتھ ہو
یا الہیٰ گور تیرہ کی آئے جب سخت رات
ان کے پیارے منہ کی صبح جانفزا کا ساتھ ہو
ان کے پیارے منہ کی صبح جانفزا کا ساتھ ہو
یا الہٰی جب پڑے محشر میں شور داروگیر
امن دینے والےپیارے پیشوا کا ساتھ ہو
امن دینے والےپیارے پیشوا کا ساتھ ہو
یا الہیٰ جب زبانیں باہر آیئں پیاس سے
صاحب کوثر شہ جودو عطا کا ساتھ ہو
صاحب کوثر شہ جودو عطا کا ساتھ ہو
یا الہٰی سرد مہری پر ہو جب خورشید حشر
سید بے سایہ کے ظل لوا کا ساتھ ہو
سید بے سایہ کے ظل لوا کا ساتھ ہو
یا الہٰی گرمی محشر سے جب بھڑکیں بدن
دامن محبوب کی ٹھنڈی ہوا کا ساتھ ہو
دامن محبوب کی ٹھنڈی ہوا کا ساتھ ہو
یا الہٰی نامہ اعمال جب کھلنے لگیں
عیب پوش خلق ستار کا ساتھ ہو
عیب پوش خلق ستار کا ساتھ ہو
یا الہٰی جب بہیں آنکھیں حساب جرم میں
ان تبسم ریز ہونٹوں کی دعا کا ساتھ ہو
ان تبسم ریز ہونٹوں کی دعا کا ساتھ ہو
یا الہٰی جب حساب خندہ بیجا رلائے
چشم گریان مرتجے کا ساتھ ہو
چشم گریان مرتجے کا ساتھ ہو
یا الہٰی رنگ لائیں جب مری بے باکیاں
ان کی نیچی نیچی نظروں کی حیا کا ساتھ ہو
ان کی نیچی نیچی نظروں کی حیا کا ساتھ ہو
یا الہٰی جب چلوں تاریک راہ پل صراط
آفتاب ہاشمی نورالہدیٰ کا ساتھ ہو
آفتاب ہاشمی نورالہدیٰ کا ساتھ ہو
یا الہٰی جب سر شمشیر پر چلنا پڑے
رب سلم کہنے والے غمزدا کا ساتھ ہو
رب سلم کہنے والے غمزدا کا ساتھ ہو
یا الہٰی جو دعائے نیک میں تجھ سے کروں
قدسیوں کے لب سے اٰمین ربنا کا ساتھ ہو
قدسیوں کے لب سے اٰمین ربنا کا ساتھ ہو
یا الہٰی جب رضا خواب گراں سے سر اُٹھائے
دولت بیدار عشق مصطفےٰ کا ساتھ
دولت بیدار عشق مصطفےٰ کا ساتھ
No comments:
Post a Comment