نماز جنازہ
نماز جنازہ فر ض کفایہ ہے ۔ایک نے بھی پڑ ھ لی تو سب بری الذمہ ہو گئے ورنہ جس جس کو خبر پہو نچی تھی اور نہ پڑھی تو سب گنہگار ہوں گے۔جنازہ پڑھتے وقت میت سامنے ہونی چائے،غائبانہ نماز جنازہ جائز نہیں ہے۔بعض لوگ جوتا پہنے اور بہت سے لوگ جوتے پر کھڑے ہو کر نماز جنازہ پڑھتے ہیں اگر جوتا پہن کر نماز پڑھی تو جوتا اور اس کے نیچے کی زمین پاک ہونا ضروری ہے اوراگر جوتے پر کھڑے ہو کر پڑھی تو جوتے کا پاک ہونا ضروری ہے۔
نماز جنازہ میں دو رکن ہیں:(۱)چار بار اللہُ اکبر کہنا(۲)قیام
نماز جنازہ میں تین سنت مؤکدہ ہیں:(۱)ثناء(۲)درود شریف(۳)میت کیلئے دعا
طریقہ:مقتدی اس طرح نیت کرے،میں نیت کرتا ہواس جنازے کی نماز کی، واسطے اللہ کے، اور دعا اس میت کے لئے،پیچھے اس امام کے،پھر دونوں ہاتھ کانوں کی لو تک اٹھا کر امام بلند آواز سے تکبیر ( اللّٰہ اکبر) کہے اور مقتدی آہستہ آواز سے کہیں اور امام و مقتدی سب عام نمازوں کی طرح ناف کے نیچے ہاتھ باندھ لیں اور دوسری نمازوں کی طرح ثنا (سبحاک اللھم) آہستہ پڑھیں لیکن اس ثنا میں! وتعالٰی جدک کے بعد و جلّ ثنائُک پڑھیں:سُبْحٰنَکَ اللّٰھُمَّ وَ بِحَمْدِکَ وَ تَبَارَکَ ا سْمُکَ وَتَعَالٰی جَدُّکَ وَجَلَّ ثَنَا ئُ وکَ وَ لَااِلٰہَ غَیْرُکَ
پھر بغیر ہاتھ اٹھائے اللہ اکبر کہے اور درود ابراہیم پڑ ھے:
اَللّٰهُمَ صَلِّ عَلی مُحَمَّدٍ وَ عَلی آلِ مُحَمَّدٍ ، کَما صَلَّیْتَ عَلیٰ اِبراهیمَ وَ عَلی آلِ اِبراهیمَ اِنَّکَ حَمیدٌ مَّجیدٌ
اَللّهُمَ بارِکْ عَلی مُحَمَّدٍ وَ عَلی آلِ مُحَمَّدٍ ، کَما بارَکْتَ عَلی اِبراهیمَ وَ عَلی آلِ اِبراهیمَ اِنَّکَ حَمیدٌ مَّجیدٌ
پھر بغیر ہاتھ اٹھائے اللہ اکبر کہہ اور دعا پڑھیں
بالغ مرد وعورت کے جنازہ کے لئے یہ دعا پڑھیں:اَللّٰھُمَّ اغْفِرْ لِحَیِّنَاوَ مَیِّتِنَاوَشَا ھِدِ نَاوَغَا ئِبِنَا وَ صَغِیْرِنا وَ کَبِیْرِنَاوَذَکَرِنَاوَاُنْثَانَا۔اَللّٰھُمَّ مَنْ اَحْیَیْتَہٗ مِنَّا فَاَ حْیِِِہِ عَلَی الْاِ سْلاَمِ وَمَنْ تَوَفَّیْتَہٗ مِنَّا فَتَوَفَّہٗ عَلَی الْاِیْمَانِ
نابالغ لڑکے کیلئے یہ دعا پڑھیں:اللّٰھُمَّ اجعَلہُ لَنَا فَرَطًا وَّ اجعَلھَا لَنَا اَجراً وَّ ذُخراً وَّ اجعَلھَا لَنَا شَافِعتً وَّ مُشَفَّعتً
نابالغہ لڑکی کیلئے یہ دعا پڑھیں:اللّٰھُمَّ اجعَلھا لَنَا فَرَطًا وَّ اجعَلھَا لَنَا اَجراً وَّ ذُخراً وَّ اجعَلھَا لَنَا شَافِعۃ ً وَّ مُشَفَّعۃ
پھر بغیر ہاتھ اٹھائے اللہ اکبر کہے اور ہاتھ چھوڑ دے اور دونوں طرف سلام پھیر دے۔
No comments:
Post a Comment